Сонгинохайрхан дүүргийн өрхий болон Нэгдсэн эмнэлгийн 93 эмч, сувилагч нарт “Хүүхдийн эрэмбэлэн ангилалт, яаралтай тусламж” сэдвээр онол, дадлага хосолсон сургалтыг амжилттай зохион байгууллаа.

Өвдсөн хүүхдийг зөв эрэмбэлж, чиглэсэн тусламжийг цаг алдахгүйгээр үзүүлэхэд суралцсанаар хүүхдийн амь нас, эрүүл мэндийг авран хамгаалахад чухал ач холбогдолтой юм.

Сургалтыг Хүүхдийн тасгийн эрхлэгч, клиникийн профессор, эрэмбэлэн ангилалт, яаралтай тусламжийн Үндэсний сургагч багш З.Ганчулуун, Хүүхдийн тасгийн эмч Б.Эрдэнэцэцэг, Т.Болорчимэг нар удирдаж явууллаа. 

Мөн Зочин багшаар Хүүхдийн зөвлөх зэргийн эмч А.Оюунчимэг оролцож эмч, сувилагч нарт онолын сургалт орлоо. Сургалтын үйл ажиллагааг дэмжиж, хамтран ажилласан СХД-ийн ЭМТ-ийн Хүүхдийн зохицуулагч эмч Г.Амар Танд талархал илэрхийлье.